كيف تكون مدّع ثقافة

من طرف **sallyrose** الجمعة مايو 18, 2007 5:04 pm

تلاقي واحد طالع في التليفزيون.. لابس بدلة ونضارة و على سحنته تكشيرة تغم النفس.. لو ماقلبتش المحطة و سمعته و هو بيتكلم هاتلاقيه محزوق و بيزعق و هو منفعل جدا جدا لأن

الشكليات التحليلية للواقعية اللاتأكيدية للسياسة التحتية غير مسببة بحال

وتلاقيه واخد في نفسه قلم كبير قوي.. تقولش براد بيت في زمانه ؟؟

شايف البني آدم ده ؟؟ لو عايز تبقى مثقف.. ماتبقاش زيه

*********

من أروع الحاجات في الحياة إن الواحد مننا يكون مثقف..لأن الناس هاتحبك و هاتثق في رأيك وتحترمك.. لكن فيه ناس تانيه فاهمة الثقافة غلط ! يعني بيحاول يعمل مثقف و خلاص.. لكن احنا هارشينه في الموضوع ده طبعا.. و هو ده اللي بنتكلم عنه

طيب ..ما هي صفات مدع الثقافة و سماته ؟؟

التكشيرة

لازم يبقى غضب ربنا ظاهر في وشك.. لو ابتسمت هاتدخل قلوب الناس كلها و دا اللي انت مش عايزه.. كشّر وخلّيك متضايق على طول

أقول لك فكرة؟ تخيل طول الوقت انك قرفان وهاترجّع في وش اللي قدامك.. التخيل ده هايرسم على وشط التعبير اللي احنا بنتكلم عليه ده.. ننصحك بالتدرب عليه أمام مرآة الحمام أربع مرات يوميا

التكشيرة برضه

نظرا لأهمية النقطة دي خليناها على مرتين.. لازم تكون مكشر طول الوقت ولو ابتسمت في مرة تبقى قلشت منك

ننصحك بهذا التمرين: اتفرج على فيلم كوميدي طويل( أو خطبة للزعيم إياه !) و امسك ضحكتك طول الوقت.. كما ننصحك بعدها بمشاهدة الأخبار لأنها ستعطيك الإحساس المطلوب بالضيق والقرف... زر المقابر يوميا و لو عرفت تسكن هناك يكون أحسن

طريقة الكلام

لا تكن هادئ الأعصاب.. خليك منفعل وزعّق ولا بد من بعض الرذاذ المتطاير من فمك في وجه من تشخط فيه.. وسيلة هجومية هامة.. ولازم تتعلم الحزق اثناء الزعيق لأنه يعطي نبرة أعمق للصوت و احمرارا للوجه.. كما قد يساعد في اتبعاث غازات مصاحبة.. وسيلة هجومية أخرى.. مما يدعم رأيك بشكل أكثر عمقا

كما لا بد أن تظهر انحطاطا في المستوى الأخلاقي عشان الناس تخاف منك و محدش يعرف يفتح بقه معاك بعد كده

الكلام نفسه

أقل النقاط أهمية.. ليس مهما ما تقول.. المهم أن تعمل بالحكمة القائلة: خالف تُعرف.. أو اعترض على أي شيء يقال أمامك فهذا هو الأسلوب الوحيد لتبرهن على عبقريتك

كما يجب حشر بعض الكلمات غير المفهومة للناس العاديين في الحديث مثل: امبريالية – ديماجوجية – راديكالية – بروليتاريا ( هامة جدا لأنها ملعبكة !) – امبريالية – فاشستية.... إلخ

احفظ الكلمات دي - و غيرها - زي اسمك.. ليها مرادفات سهلة طبعا لكن انت عايز تعقد اللي قدامك و المشاهدين يقرفوا منك.. و هو المطلوب

اذا مشيت على هذه الخطوات بالتزام , نعدك عزيزي القارئ بانه سيكون لك مستقبل رائع في الاعلام بتاعنا

*********

كلمة م الآخر

حاول تكون مثقف لأن الناس بتحب اللي يقدر يساعدهم بدماغه العالية.. ابتسم في وش الناس لأن ده المفتاح السحري لقلوبهم.. كلم الناس في بساطة بلغتهم , لأن هدفك انك نتور لهم طريقهم , مش تبين إنك فتك , ومفيش منك غير واحد في الصين و مات

من طرف **maged** الإثنين مايو 28, 2007 12:24 am

ههههههههههههههههه

معلش سالي معرفتش أكشر

أعمل إيه موضوعك دمه خفيف

فأعذروني إخواني أني خيبت ظنونكم

ولم أكن مثقفا

ننتظر جديدك دوما

مممممممممممممممممممممشكور

بس للاسف معرفتش اكون مثقف طول الوقت

تحياتى:

موضوع جميل سالى بس ليست المظاهر دليل على الباطن
شكرا على نقلك الرائع

كيف تكون مدّع ثقافة

كيف تكون مدّع ثقافة

رد: كيف تكون مدّع ثقافة

رد: كيف تكون مدّع ثقافة

رد: كيف تكون مدّع ثقافة